“Лукойл” раҳбари хусусийлаштиришни ўтказишга чақирди

Россиянинг “Лукойл” компанияси раҳбари Воҳид Алекберов РБК нашри интервьюсида нефть компанияларида ҳеч қандай пул қолмаётганини, барча маблағ инвестициялар ва саноатни ривожлантиришга йўналтирилаётганини таъкидлаб ўтди: “Нефтчиларда ҳозир ҳеч қандай пул қолмаяпти! Ҳамма пул инвестицияларга, Россия саноатини кўтаришга кетмоқда. Агар биз бу пулларни сарфлашни тўхтатсак, қора металлургия, қувур прокати саноати, енги саноат, машинасозлик билан боғлиқ кўплаб моношаҳарлар тўхтаб қолади.

Тушуниш керак: бугун биз ҳеч нарса тўпламаяпмиз. Бизнинг балансларимиз шаффов ҳамда молия вазирлиги ва ҳукуматга тушунарлидир”. “Бозорда бугун бўлаётган нарсалар 90-йиллар сценарийсидир, - деди у. – Ўшанда соҳа бирлашиб, йириклашиш ҳисобидан ўз харажатларини қисқартириши мумкин”.

Шунингдек, Алекберов ўзи кўраётган ечимлар ҳақида гапирди: “Кўп капитал талаб қиладиган лойиҳалардан воз кечиш керак, улар узоқ истиқболдагина наф келтиради. Уларни реализация қилиш иштиёқи қанчалар баланд бўлмасин, ҳозир бирлашиб, бир муддат сабр қилиш лозим. Бу икки ёки беш йил давом этиши мумкин. Бирлашиш ва кутиш керак”.

“Хусусийлаштириш керак, - хулоса қилди бизнесмен. – 90-йилларда хусусийлаштириш нефть қазиб олишнинг ҳамда инвестициялар оқиб киришининг ўсишига туртки бўлган эди”.