Роналду Монте-Карлода 140 млн еврога меҳмонхона сотиб олди

«Реал» клуби ҳужумчиси Криштиану Роналду ўз маблағини кўчмас мулкка тикишда давом этмоқда.

Marca нашрида ёзилишича, португалиялик футболчи Монте-Карлонинг энг машҳур жойидаги меҳмонхоналардан бирини харид қилган.

Роналду мазкур меҳмонхонани италиялик тадбиркор Алессандро Протодан 140 миллион еврога сотиб олгани айтилган.

Ўтган йилнинг августида Роналду Нью-Йоркда жойлашган «Трамп-тауэр» биносидаги лофтни 18,5 миллион долларга сотиб олган эди.

Декабрда у Pestana Hotel Group компанияси билан ҳамкорликда CR7 номли 4та меҳмонхона очиши ҳақида хабар берилган эди.

Янги йилнинг биринчи кунида Роналду футболчилик фаолиятини якунлаганидан кейин шоҳона ҳаёт кечирмоқчи эканини айтиб ўтганди.