Москва вилояти ҳудудидаги гипермаркетларидан бирида ишловчи тожикистонлик Шерзод Насруллоев озиқ-овқат аравачасининг ичидан ярим миллион рубль топиб олди, лекин пуллар у томонидан ўз эгасига қайтариб берилган, деб хабар берди Sputnik Таджикистан.
Шерзод "Россия для всех" мухбирига берган интервьюсида, бўш турган аравача олдига келганлигини, лекин унинг ичидан беш мингталик пуллар тўла қора борсеткани топиб олганлигини айтган.
“Бу аравача қоронғи, ҳеч ким йўқ жойда турган экан. Сумкани очганимда, ичи тўла қизил пулларни пайқадим. Катта сумма бўлса керак деб ўйладим ва ортиқча ҳеч нарсани қидирмасдан, сумкани яшириб, яқинда уни олиб кетишгани келади деб ўйладим”, деб таъкидлади Шерзод.
Шерзод “кимдир ундан сумкани олиб қочиб кетади” деб ўйлаб, уни кийимининг ичида беркитиб олиб юрганлигини ҳам айтиб ўтган.
Ярим соат ўтиб, сумкани олиб кетиш учун оилавий жуфтлик кириб келган, лекин Шерзод пулларни беришга шошилмаган. Чунки уларни фирибгар эмасликларига ишонч ҳосил қилмоқчи бўлган.
Озгина савол-жавоб ўтказиб, улар сумканинг эгасилигига амин бўлганидан сўнг йўқолган пулларни (520 минг рубль) қайтариб берган. Эвазига эса сумка эгалари Шерзодни молиявий мукофотлашган.
Шерзод Насруллоев "Real" гипермаркетида икки йилдан бери ишлайди. Унинг сўзларига қўра, бундай йўқолган нарсаларни у бир неча бор қайтариб берган.