iPhone 5S корпусида тақдим этилган iPhone SE смартфонидан сўнг компания ўз мижозларини ҳайратда қолдириш устида ишламоқда.
KGI Securities маълумотига кўра, 2017 йилдан компания эгилувчан AMOLED-дисплейларига ўтишни режалаштирган. Миш-мишларга кўра, iPhone пластик, керамика ёки шиша ва Apple томонидан ишлаб чиқилган “суюқ металл”дан тайёрланган эгилган корпусда бўлиши мумкин. Шундай қилиб, iPhone 2017 йилда ҳаммага машҳур iPhone 4 дизайнини мерос қилиб олиши мумкин, лекин эгилган шиша ва катта экран билан жиҳозланиши режалаштирилган.
Экран атрофидаги рамкалар ингичка бўлади, iPhoneга 5,5 дюйм экран ўрнига 5,8 дюймли экран ўрнатилиши мумкин. Шунингдек, Apple қурилмалари уч хил ўлчамдаги смартфонлар турини сақлаб қолади.
Смартфонни яратишда шишадан фойдаланиш қурилмадан олинадиган тактил ҳиссиётларни яхшилайди, шунингдек, Touch ID технологиясини тўғридан-тўғри экраннинг ўзига ўрнатишга имконият беради. Бундан ташқари, янги авлод айфонида фойдаланувчиларни юз тузилиши бўйича аниқлаш имконияти пайдо бўлиши мумкин.
KGI ходимлари хабарда янги iPhone’да симсиз қувват олиш ҳақида аниқ маълумот тақдим этишмади, лекин тармоқларда Apple бу технологияни янги смартфонларида ўрнатиш устида иш олиб бораётганлиги ҳақида маълумотлар тарқаган эди.