Саудиялик миллиардер Лондонга дам олиш учун 1,4 миллион доллардан ортиқ қийматга эга бўлган шахсий автопарки билан ташриф буюрди. У бу ерга олтин билан қопланган "Мерседес", "Бентли", "Ламборжини" ва "Роллс-Ройс" автомобилларини олиб келди.
Машиналарни Лондоннинг Кенсингтон туманида кўришди, сал аввал эса уларни беш юлдузли "Мандарин ориентал" меҳмонхонасида тўхтаганини кўришган.
Daily Mail нашрининг хабар беришича, саудиялик миллиардер шаҳар суперкарлари очилиши маросимида қатнашиш учун келган.
"Бу бадавлат арабларнинг Яқин Шарқдаги иссиқ ҳароратдан қочиб, Буюк Британия пойтахтида ўзларининг қимматбаҳо автомобилларида юрадиган даври", дейилади хабарда.
Охирги йиллар давомида бу ҳолат мунтазам равишда кузатилмоқда. Кувайт, Саудия Арабистони ва амирликнинг бадавлат кишилари Лондонга келиб, тюнинг қилинган машиналари билан ўзларини кўрсатишга ҳаракат қилишади.
