Малайзияда дунёдаги энг узун питон жон берди. Бу ҳақда "Би-би-си" хабар тарқатган.
7 апрель куни илонни Пинанг оролидаги қурилиш майдонидан топишган. Питон урғочиси қулаган дарахт тагида эди. Унинг узунлиги - 8 метр, оғирлиги эса - 250 килограммдан иборат.
10 апрель куни унинг жони узилган.
Гиннеснинг рекордлар китобига кўра, эндиликда дунёнинг энг узун илони АҚШдаги Медуза тўрли питон бўлиб қолмоқда. Унинг узунлиги - 7,67 метр, оғирлиги - 158 килограмм.
