АҚШ Марказий разведка бошқармаси (МРБ) директори Жон Бреннаннинг маълум қилишича, унинг қўли остидагилар ҳеч қандай қийноқ воситалари қўллашмайди (шу жумладан, сувга бўктириш). Бу ҳақда у NBC News эфирида айтиб ўтган.
"Мен бундай усулларга ҳамиш қарши бўлганман. Бундай метод ҳақида фақат эшитганман холос", дейди у.
Унинг қўшимча қилишича, МРБ ходимлари асирларни ва гумондорларни сувга бўктириш орқали сўроқ қилиш амалиётини ҳам қўллашмайди.
У АҚШнинг янги президенти шундай кўрсатма берса ҳам бунга амал қилинмаслигини таъкидлаган.
Бундан олдинроқ, АҚШ президентлиги учун сайловларда қатнашаётган сенатор Тед Круз ва миллиардер Дональд Трамп терроризмга қарши курашда қийноқ воситаларидан фойдаланиш самарали бўлиши ҳақида айтиб ўтишганди. Трампнинг айтишича, гумондорларни сувга бўктириш кўпроқ фойда беради.
2011 йилнинг 11 сентябридаги воқеалардан кейин сўроқ вақтида сувга бўктириш усулидан фойдаланишга рухсат берилган, 2009 йилнинг январида бунга Барак Обама томонидан тақиқ қўлланганди.