Элвис Преслига тегишли гитара Нью-Йорк аукционида 334 минг долларга сотилди.
Отаси - Вернон Пресли ўғлига Gibson Dove гитарасини 1969 йили Элвис карате бўйича қора белбоғни қўлга киритганда ҳадя қилган.
Шимолий Каролина штати Ашвиллада бўлган концертда кичик Пресли ушбу гитарани мухлисларидан бирига тортиқ қилади. У эса қадрли совғани шу кунгача сақлаб келган.
Julien's аукцион уйи мусиқа саноати юлдузларининг буюмлари жамланмасини ким ошди савдосига қўйди.
Бошқалар қатори Жон Леннон Being for the Benefit of Mr. Kite қўшиғи матнини ёзган бир парча қоғоз 354,4 минг долларга сотилди.
Майкл Жексон 1996-97 йиллари кийиб жаҳон турнесини ўтказган пиджаги 256 минг доллар эвазига ўз эгасини топди.