Путин ички ишлар вазирлигининг бир қатор генералларини ўз лавозимидан бўшатди

Россия президенти Владимир Путин ички ишлар вазирлигининг бир қатор юқори лавозимдаги ходимларини эгаллаб турган лавозимларидан бўшатди.

Тегишли фармон ҳуқуқий ахборот расмий порталида чоп этилди.

Ўз лавозимидан қуйидаги ходимлар озод этилди:
полиция генерал-майори Игорь Божков — Россия ички ишлар вазирлигининг Москва бўйича бош бошқармаси Москва метрополитенидаги ишчи ишлар бошқармаси бошлиғи; 
полиция генерал-майори Александр Лебедев — ИИВнинг давлат ҳимоясида бўлган шахсларнинг хавфсизлигини таъминлаш бошқармаси бошлиғи; 
полиция генерал-майори Иван Бирник — ИИВ махсус вазифаларни бажарувчи ва авиация бўлинмалари фаолиятини таъминлаш бошқармаси бошлиғи;
полиция генерал-майори Игорь Митрофанов — ИИВнинг Томск вилояти бошқармаси бошлиғи;
полиция генерал-лейтенанти Юрий Томчак — ИИВнинг Омск вилояти бошқармаси бошлиғи.

Путин шунингдек бир қатор янги тайинлашларни амалга оширди. Полиция генерал-майори Сергей Бачурин ИИВнинг Шимолий Кавказ федерал округи бўйича бош бошқармаси бошлиғи, полиция генерал-лейтенанти Евгений Мартинов ИИВ бош инспектори, полиция полковниги Иван Горбунов ИИВ жиноят қидирув бош бошқармаси бошлиғи ўринбосари этиб тайинланди.