Apple компаниясининг маҳсулотлари ҳақида видеолар юклайдиган EverythingApplePro блогининг YouTube-каналида Samsung ва iPhone смартфонларининг мустаҳкамлиги устида ўтказилган тажрибанинг видеоси пайдо бўлди. Бу тажрибанинг видеоси 22 июнда юкланган бўлиб, бир кун ичида уни ярим миллион фойдаланувчи томоша қилган.
Видеода тахта устига еттитадан Samsung Galaxy ва iPhone ўрнатилган. Кейин эса смартфонларга қарата ўқ отилган. Биринчи марта блогерлар ҳар бир қаторга биттадан ўқ отиб солиштириб кўришган. Шуниси аниқ бўлдики, iPhone камроқ зарар кўрган: охирги қаторда турган смартфон иккинчи ўқдан сўнг ҳам ишлашни давом эттирган. Тажрибанинг охирида эса блогерлар қизиқиш мақсадида қолган гаджетларни ҳар хил автоматик қуроллардан отиб кўришган.
