«ПСЖ»ни 30 июнь куни эркин агент мақомида бутунлай тарк этадиган ҳужумчи Златан Ибраҳимович «Манчестер Юнайтед» аъзосига айланади.
Gianlucadimarzio.com нашри хабарига кўра, швециялик ушбу футболчи Англияга йўл олади ва манкунианликлар клуби билан 1 июль куни шартнома имзолайди.
Айни вақтда Ибраҳимович Монте-Карлода таътилни ўтказмоқда ва ўз агенти Мино Райола билан «МЮ»даги шартномасининг барча жиҳатларини ҳал қилиб олган.
The Guardian нашри маълумотига кўра, у «қизил иблислар» жамоаси билан 1 йиллик шартнома имзолайди ва ҳафтасига 220 минг фунтлик маош олади.
Манба: Tribuna.uz