Вилоят меҳнат бошқармаси, Навоий шаҳар ва Кармана тумани ҳокимликлари ҳамда бошқа ташкилотлар ҳамкорлигида ташкил этилган тадбирда аҳоли бандлигини таъминлаш, айниқса, хотин-қизлар ва ёшларни ижтимоий қўллаб-қувватлашга қаратилаётган алоҳида эътибор юксак самаралар бераётгани таъкидланди. Бу ҳақда ЎзА хабар бермоқда.
Ярмаркада вилоятдаги 126 корхона 300 дан зиёд бўш иш ўрни билан қатнашди. 90 дан ортиқ кишига ишга жойлашиш учун йўлланма берилди. Аҳамиятлиси уларнинг аксарияти касб-ҳунар коллежини битирган ёшлардир.
Ярмарка давомида иштирокчиларга меҳнат қонунчилиги бўйича ҳуқуқий маслаҳат ва тавсиялар берилди.
