20 ноябрга ўтар кечаси Москванинг Домодедово аэропортида Москва–Дубай рейсининг ушланиб қолишига сабаб бўлган шахс қўлга олинди. У маст ҳолатда бўлган.
«Москва» сайти хабарида айтилишича, тунда Дубайга йўл олаётган самолёт бортига маст ҳолатдаги эр-хотин чиққан. Эркак бортда ўзини ёмон тутган, сўкинган, йўловчиларга ҳаво кемасини портлатиб юбориши мумкинлигини маълум қилган, шунингдек, экипаж кабинасига кирмоқчи бўлган.
«Нижний Новгородда истиқомат қилувчи 29 ёшли фуқаро Москва – Дубай авиарейсида борт қоидаларини бузган», — деган манба.
Ушбу воқеа туфайли рейс бекор қилинган, ҳуқуқбузар эса транспорт полицияси ходимлари томонидан қўлга олинган ва навбатчилик қисмига тергов учун олиб кетилган.
Кўнгилсизлик бартараф этилгач, самолёт манзилга йўл олган.
