Куни-кеча шахмат тожи унвони учун баҳс олиб борган россиялик шахмат устаси Сергей Карякин шахмат бўйича 13-жаҳон чемпиони Гарри Каспаровнинг норвегиялик жаҳон чемпиони Магнус Карлсенга мухлислик қилганига изоҳ берди.
"Мени Каспаров Карлсенга мухлислик қилгани безовта қилмади, чунки мен у билан умуман мулоқот қилмайман. Менинг ишим – шахмат ўйнаш. У эса россияликларга қарши иш қилади ва табиийки, у Карлсенни қўллаб-қувватлаган", деб айтди Карякин "Реальная игра" дастури эфирида.
Карякин ва Карлсен ўртасида шахмат тожи учун кечган баҳс норвегияликнинг ғалабаси билан якунланди ва у чемпионлик тожини ўзида сақлаб қолди.