Қўшимча функционаллар
-
Тунги кўриниш
Магнус Карлсен Самарқандда рапид бўйича жаҳон чемпиони бўлди
Норвегиялик шахматчи бешинчи марта шундай ютуққа эришди.
Норвегиялик гроссмейстер Магнус Карлсен Самарқанд шаҳрида бўлиб ўтаётган Рапид (тезкор шахмат) бўйича жаҳон чемпионатида ғолиб чиқди.
Ўтказилган ўйинлар натижасида 33 ёшли спортчи 10 очкони қўлга киритди. Норвегиялик спортчи сўнгги турда Ҳиндистон вакили Рамешбобо Прагнанандҳа билан дуранг натижа қайд этиб, рақибларини ортда қолдирди.
«Бахтиёрман. Кечаги ўйинлардан унчалик мамнун эмасдим, шунинг учун вазифани мураккаблаштиришга ҳожат йўқ деб қарор қилдим. Балки бугун мен бироз эҳтиёткор ўйнагандирман», деб шахматчи сўзларини келтиради NRK.
Шу тариқа Карлсен тезкор шахмат бўйича беш карра жаҳон чемпионига айланди. У аввал 2014, 2015, 2019 ва 2022 йилларда ҳам жаҳон чемпиони бўлган.
Мавзуга оид
22:53 / 24.02.2026
Норвегиянинг собиқ бош вазири ўз жонига қасд қилишга уринди – ОАВ
22:00 / 22.02.2026
Норвегия қишки Олимпиада ўйинларида медал олиш бўйича рекорд натижага эришди
21:31 / 20.02.2026
Норвегия олтин медаллар сони бўйича қишки Олимпиада рекордини ўрнатди
19:33 / 13.02.2026