Шахмат бўйича жаҳон чемпиони Гарри Каспаров Россияда сиртдан ҳибсга олинди
Бутунжаҳон шахмат олимпиадаларининг 8 карра ғолиби «террорчилик ҳамжамиятини» ташкил этишда айбланмоқда.

Фото: AFP
Россиянинг Сиктивкар шаҳри суди шахматчи Гарри Каспаровни «террорчилик ҳамжамиятини» ташкил этиш, «террорчилик фаолиятини» молиялаштириш ва терроризмга оммавий чақириқларда айблаб, сиртдан ҳибсга олди.
У билан бирга Россия Давлат Думаси собиқ депутати Геннадий Гудков, фаол Евгения Чирикова ва «Солидарность» ҳаракатининг собиқ ижрочи директори Иван Тютрин ҳам худди шу айбловлар билан сиртдан ҳибсга олинган. Айбловнинг сюжети ва тафсилотлари маълум эмас.
Гарри Каспаров 60 ёшда. 1985 йилда Анатолий Карповни мағлуб этиб, жаҳоннинг ўн учинчи чемпиони бўлган. Бутунжаҳон шахмат олимпиадаларининг 8 карра ғолиби.
2016 йилда Литвада яшовчи Каспаров «Форум свободной России» ҳаракати асосчиларидан бири бўлди. Украинага қарши уруш бошланганидан бери ташкилот урушга қарши конференциялар ўтказиб, унга Россия мухолифатининг турли вакилларини таклиф қилмоқда.
2022 йил май ойида Россия Адлия вазирлиги Каспаровни «чет эл агенти» деб эълон қилди. 2023 йил 1 февралда Бош прокуратура «Форум свободной России» ҳаракатини «номақбул» ташкилот деб эълон қилди.
2024 йил март ойида «Росфинмониторинг» ташкилоти Каспаровни «террорчилар ва экстремистлар» рўйхатига киритган эди.
Гарри Каспаров Россия ва Хорватия фуқаролигига эга.
Тавсия этамиз
Сўнгги янгиликлар
-
“Asialuxe Travel” билан Шарм-эл-Шейхга: ҳаммага мос келадиган ритм
Ўзбекистон | 17:00 / 24.05.2025
-
Кимлар қачон ва қандай қон таҳлиллари топшириши керак?
Жамият | 12:35
-
Тошкентда дарахт босиб қолган бир киши вафот этди
Ўзбекистон | 11:23
-
«Бернабеу» Модрич ва Анчелотти билан хайрлашди. «Реал» фанатлари кўз ёшларини тия олмади
Спорт | 09:45
Мавзуга оид

21:00 / 24.05.2025
«Краснодар» тарихда биринчи марта Россия чемпиони бўлди

19:32 / 24.05.2025
Россия ва Украина 307 нафар ҳарбий асирни алмаштирди

14:39 / 24.05.2025
Лавров: Россия Ватиканда Украина билан музокара олиб бормайди

13:12 / 24.05.2025