Скриншот: Youtube/Portal Fakty Kaliskie
Тармоқда Польшадаги чорраҳалардан бирида пиёда қизнинг катта тезликда келаётган автомобиль остида қолишдан қутулиб қолгани акс этган видео пайдо бўлди. Бу ҳақда РИА “Новости” хабар берган.
Видео ташқи кузатув камераси орқали суратга олинган бўлиб, унда “Пежо” автомобили ҳайдовчиси оқ рангдаги “Mercedes” билан тўқнашиб кетмаслик учун пиёдалар йўлакчасига бурилишга мажбур бўлгани маълум бўлган.
Автомобиль ва пиёда ўртасида тўқнашув юз бермаган. Катта тезликда келаётган “Пежо”нинг йўлини симёғоч тўсиб қолган.
