«Барселона» раҳбарияти жамоанинг етакчи ҳужумчиси Лионель Мессининг шартномасини узайтириш устида иш олиб бормоқда.
AS хабарига кўра, Бартомеу Мессига 35 млн евро (солиқлар билан ҳисоблаганда 70 млн евро) миқдорида йиллик маош таклиф қилмоқчи. Айни пайтдаги шартномага кўра футболчи йилига 24 млн евро олади.
«Барселона» билан шартномасини 2021 йилгача узайтирган бошқа бир ҳужумчи Неймарнинг ҳам маоши тахминан 35 млн еврони ташкил қилади.
Шу тариқа, Неймар ва Мессининг бир йиллик маоши миқдори барча солиқларни қўшиб ҳисоблаганда 140 миллион еврони ташкил қилади. «Барселона»нинг йиллик бюджети эса 695 миллион еврога тенг ҳисобланади.
