Тошкентнинг «Локомотив» клуби «Бухоро» клубида тўп суриб келган яримҳимоячи Саламат Қутибоевни ўз сафига қўшиб олди. Бу ҳақда «темирйўлчилар» расмий сайти хабар тарқатди.
Манба берган маълумотга кўра, томонлар 2 йилга мўлжалланган шартномага имзо чекишган.
Эслатиб ўтамиз, шу пайтга қадар «Локомотив» Мурод Бобожонов, Шуҳрат Муҳаммадиев ва Диёр Туропов, шунингдек ивуарлик Муҳаммад Коне, Гнохоре Кризо каби футболчиларни ўз сафига қўшиб олганди.
