Россия Федерал хавфсизлик хизмати Санкт-Петербургда терактларни амалга оширишга тайёргарлик кўрган марказий осиёлик етти шахсни қўлга олди. Улар темир йўлда ҳам терактлар содир этишни режалаштиришган. Бу ҳақда РИА «Новости» хабар бермоқда.
«Йигирма саккизинчи июль куни етти кишидан иборат гуруҳ қўлга олинди, улар марказий осиёлик шахслар бўлиб, Санкт-Петербургдаги темир йўл транспорти ва кишилар гавжум жойларда терактларни амалга оширишга тайёргарлик кўришган», - дея хабар беришган Федерал хавфсизлик хизматидан.
Қўлга олинганларнинг шахси ҳозирча ошкор этилмаган.
Аввалроқ Россияда ярим йил ичида қанча терактнинг олди олингани маълум қилинганди.
