Туркиянинг Мерсин шаҳрига Боку-Тбилиси-Қарс (БТҚ) темир йўли магистрали орқали илк поезд етиб келди. Поезд Қозоғистондан жўнатилган.
Поезд Мерсинга 600 тонна буғдой ортилган 30 та контейнерни келтирган. Қарсдан Мерсингача масофа 1258 км ни ташкил қилади ва поезд уни 30 соатда босиб ўтди.
БТҚнинг расмий очилиши 30 октябрда Бокудан 90 км узоқликда жойлашган Аляти посёлкасидаги портда бўлиб ўтган. Маросимда Туркия президенти Ражаб Тоййиб Эрдўған, Озарбайжон президенти Илҳом Алиев, Ўзбекистон, Қозоғистон ва Грузия бош вазирлари Абдулла Арипов, Бакитжан Сағинтаев ва Георгий Квирикашвили иштирок этган.
Темир йўл магистрали лойиҳаси 2008 йилда бошланган. Лойиҳа доирасида Грузиядаги Ахалкалаки станциясидан Туркиянинг Қарс шаҳри темир станциясигача темир йўл линияси қурилган.
БТҚ Озарбайжон, Грузия ва Туркия темир йўл тармоқларини бирлаштиради ва унинг узунлиги 826 км ни ташкил қилади.
