Неймарнинг "ПСЖ"га ўтишини биринчи бўлиб маълум қилган бразилиялик журналист Марсело Бехлер дунёнинг энг қиммат ўйинчисининг Париждаги ҳаётига боғлиқ янги маълумотларни ошкор қилди.
"Неймар "Барселона"дан кетгани ҳақида борган сари кўпроқ афсусланмоқда. Унинг онаси ва ўғли ҳали ҳам Каталониядан истиқомат қилишади. Уларсиз 25 ёшли футболчи ўзини ёлғиз ҳис қилмоқда.
Бундан ташқари, Неймарга берилган алоҳида мавқе жамоанинг бошқа футболчилари норозилигига сабаб бўлмоқда ва бу ечиниш хонасидаги қўшимча босимга олиб келмоқда", – деди Бахлер.
Унинг қўшимча қилишича, "Барселона"да ўйнаган бўлишига қарамай, Неймар "Реал Мадрид" томонидан бериладиган таклифни рад этмайди.
