«Ҳаётда шундай инсонлар борки, уларнинг ҳаётида бирор муқаддас тушунча йўқ, улар яхшиликни қалб кўзи билан кўра олишмайди. Ундайлар одамлар ва халқлар ўртасига нифоқ уруғини сочишнигина исташади.
Шу кунларда Armenian Report сайтида Тевос Аршакян номли аллақандай журналист, агар уни шундай деб аташ мумкин бўлса, ўз мақоласида жазавага тушганча аҳмоқона фикр — ўзбекларнинг арманларга нисбатан нафрати ва ҳасади ҳақида сўз юритади. Ва у буларнинг барчасини Ўзбекистон Футбол федерациясининг Ўзбекистон миллий терма жамоасининг собиқ бош мураббийи Самвел Бабаяннинг умрбод футболдан четлатиш ҳақидаги қарорига таяниб ўйлаб топади.
ЎФФнинг ушбу қарорини Аршакян сиёсий ракурсда шарҳлаб, Ўзбекистонда яшаётган арманлар учун ёруғ кунлар тугаб бораётганига ишора қилади. Бизга бу мақола ҳақида Бабаяннинг ўзи қандай фикрда эканлигини билиш қизиқ бўлди, Самвел Вячеславовичнинг ўзи эса аллақачон мақола эгасига жавоб хати йўллашга улгурган экан», деб ёзади Interfutbol сайти ва Самвел Бабаяннинг Тевос Аршакянга ёзган қуйидаги хатини келтиради:
«Сизнинг провакацион мақолангизни ўқиб мен таажжубга тушдим: сизнинг асл вазиятдан хабардор бўлмай туриб, бизнинг мамлакатимизда миллатчилик борлиги ҳақида ёзишга қандай маънавий ҳаққингиз бор? Мен, Бабаян Самвел, шу буюк мамлакатнинг фуқароси эканлигимдан фахрланаман. Мен ўзбек маҳалласида туғилиб ўсдим, гапиришни ўрганиб, илк айтган сўзларим ҳам ўзбекча бўлган. Менга ўз ватанимга бўлган муҳаббат ва ватанпарварлик руҳи она сути билан кирган, ўз фарзандларим ва Ўзбекистон фахри бўлган шогирдларимга ҳам шундай тарбия бераман. Менинг мамлакатим ўта бағрикенг, миллати ва динидан қатъи назар, ҳар қандай инсонга ўзини намоён этиш учун имконият эшикларини очиб беради. Менинг арман эканлигим ва мамлакат бош терма жамоаси бош мураббий этиб тайинланганимнинг ўзиёқ бундан далолат бериб турибди ва бундай мисоллар жуда кўп.
Сизнинг Ўзбекистон ва ўзбек халқи тўғрисидаги сўзларингиз масъулиятсиз ва жинояткорона. Мен бу халқ ва мамлакат ҳақида тўхтамасдан сўзлаб беришим мумкин, лекин бундай қилмайман, чунки бу ўлканинг қандай эканлигини бутун дунё аҳли билади. Бу ерга бир марта келган киши Ўзбекистонни севиб қолмасдан иложи қолмайди. Мен сиздан келгусида мен фуқароси бўлган ва фуқароси эканлигимдан фахрланадиган жонажон Ўзбекистонимга дахлдор бундай шов-шувли ва асоссиз баёнотлар билан чиқиш қилмасликни сўрайман. Сиз ўзи кимсизки, ўз ватанига ва халқига хизмат қилишга ўзини бахшида этган президентимизга баҳо берсангиз? Менинг ҳар бир сўзимга бу барокатли заминда асрлар бўйи яшаб келаётган барча арманлар қўшилади.
Менинг жонажон Ўзбекистоним ҳақидаги нуқсонли ва бузуқ фикрларини тўғирлаб олиш учун, провакацион мақолалар ёзишдан аввал сиз бу ерга келиб турли миллат ва элат вакиллари нечоғлик дўст ва ҳамжиҳат бўлиб яшашаётгани, мамлакатимиз нақадар динамик ривожланаётгани, жаҳон аренасида тобора обрў-эътибор қозонаётганини кўрсангиз зарар қилмасди. Менинг дисквалификациям иш билан боғлиқ ҳолат, мен буни ҳеч ким билан муҳокама қилмоқчи эмасман, бўлиб ҳам, сиздай инсон билан ва ҳар бир ҳаракатим учун ўзим жавоб беришга тайёрман. Ушбу провакацион мақолани ёзаётганингизда, билмайман, қандай мақсадларни кўзлагансиз. Лекин журналистик ахлоқ қоидаларига мувофиқ, сиз мендан ва бу заминда яшаётган бошқа армандан миллатлараро муносабатлар ҳақида сўрашингиз керак эди. Юқоридагиларни ҳисобга олиб, мен сиздан узр сўрашни талаб қиламан ва реал ахборотларга эга бўлмасдан бундай мавзуларни кўтаришдан аввал масъулиятлироқ бўлишни сўрайман».
Хатнинг рус тилида ёзилган асл матни:
«Прочитав вашу провокационную статью, я был в недоумении, какое вы имели моральное право, писать про национализм в нашей стране, не зная истиной ситуации. Я Бабаян Самвел горжусь, что я гражданин этой великой страны. Я родился и вырос в Узбекской махалле, когда я только учился говорить первые слова, они были на узбекском языке. Я с молоком матери воспитан в духе любви и патриотизма своей Родине, и также я воспитываю своих детей и учеников, которые сейчас являются гордостью Узбекистана. Моя страна очень толерантна, и даёт возможность проявить себя всем не зависимо от национальности и вероисповедании. Тот факт, что я армянин и был назначен на пост главного тренера, говорит об этом, и таких примеров много.
Ваши слова об Узбекистане и узбекском народе безответственны и преступны. Я могу бесконечно говорить об этом народе и этой стране, но не буду этого делать потому, что во всём мире знают об этом крае. Кто хоть раз побывал здесь, не может не влюбиться в Узбекистан. Я вас прошу впредь не допускать таких громогласных и безосновательных заявлений, которые касаются моего родного Узбекистана, страны, гражданином которого я являюсь и горжусь этим. Кто вы такой чтобы давать оценку нашему президенту, человеку который посвятил всего себя служению своему отечеству и народу. Под моими словами подпишутся все армяне, которые на протяжении веков проживают на этой благодатной земле.
Чтобы исправить своё ущербное и искаженное мнение о моем родном Узбекистане, вам прежде чем писать такие провокационные статьи не мешало бы приехать и посмотреть насколько дружно здесь живут люди разных национальностей. Как динамично развивается наша страна, завоевывает всё больший авторитет на международной арене. Моя дисквалификация это рабочие момент, который я не собираюсь ни с кем обсуждать, тем более с вами, и за каждое своё действие готов отвечать. Я не знаю, какой цели вы преследовали, когда писали эту провокационную статью. Следуя журналисткой этике, вы должны были спросить меня и другого армянина, являющихся гражданами Узбекистана о ситуации межнациональных отношений. Учитывая вышеизложенное я требую , чтобы вы извинились, и были более ответственны прежде чем поднимать данную тему, не имея реальной информации».
