Фото: youtube.com king potato
11 февралда Хитойнинг Пекин–Харбин автомобиль йўлида автофалокат юз берди. Воқеа автомобиллардан бирининг видеорегистраторида қайд қилинган.
Суюлтирилган газ ташиётган юк машина йўлнинг қатнов қисмидан ташқарига чиқиб кетиб, ағдарилиб кетган. Бунинг оқибатида юк машинасининг газ тўлдирилган цистернаси шикастланган ва ундаги газ ташқарига чиқиб, йирик ёнғинга олиб келган.
Ёнғин ичида бир неча машина қолиб кетган. Видео муаллифи оиласи билан бирга хавфли жойни тарк этишга улгуриб қолган.
Маҳаллий ОАВ маълумотларига кўра, воқеа оқибатида икки киши жароҳат олган, учта машина ёниб кетган.
