Фото: sputnik.az
Озарбойжон шимолида ўтказилган террорчиликка қарши махсус амалиёт давомида республикада терактлар содир этишни режалаштирган жангарилар йўқ қилинди. Бу ҳақда РИА Новости Озарбойжон Давлат хавфсизлик хизматига асосан хабар бермоқда.
«Тезкор тадбирлар натижасида, Озарбойжон фуқароси Собир Арулло ўғли Мамедов бошчилигидаги «Хачмаз жамоати» террорчилик гуруҳи аниқланди ва унинг фаолиятига чек қўйилди», - дейилади хабарда.
Таъкидланишича, гуруҳ фаоллари Собир Арулло ўғли Мамедов ва Тарлон Сафар ўғли Салимов қўлга олиш чоғида Давлат хавфсизлик хизмати тезкор гуруҳига қуролдан фойдаланган ҳолда қаршилик кўрсатган ҳамда йўқ қилинган.
Шунингдек, ҳодиса юз берган жойдан портловчи қурилмалар, қурол-яроғ, ўқ-дорилар топилган.
