Сергей Скрипаль ва унинг қизи Юлия
ГРУ собиқ полковниги Сергей Скрипаль ва унинг қизи Юлия заҳарланганидан сўнг олиб келинган Солсберидаги туман клиникаси вакили Кристина Бланшарднинг сўзларига кўра, ота-бола даволанишнинг турли босқичларида қолмоқда. Бу ҳақда РИА «Новости» хабар бермоқда.
«Ҳар икки бемор даволанишга яхши реакция билдирди, бироқ улар турли аҳволда қолмоқда. Ҳозир биз Юлияни Солсберидаги туман шифохонасидан чиқардик. Юлия ОАВни шахсий ҳаётини ҳурмат қилишга чақирди, ҳамда мен ҳам унинг бу илтимоси ҳақида эслатмоқчиман», - дея айтиб ўтди Бланшард.
Унинг сўзларига кўра, Сергей Скрипалнинг ўзи ҳам анча яхши бўлиб қолган.
«Гарчи у Юлиядан секинроқ тикланаётган бўлсада, биз умид қиламизки, у ҳам керакли вақтда шифохонани тарк эта олади», - дея қайд этиб ўтди у.
