Зангиота туманида ҳарбий фестиваль ўтказилди (фоторепортаж)

Бугун, 28 апрель куни Тошкент вилояти, Зангиота туманида жойлашган Эшонгузар қўрғонида Ўзбекистон Ёшлар Иттифоқи туман Кенаши, Зангиота туман ҳокимлиги ва Зангиота туман Мудофаа бўлими ташаббусига кўра, 9 май – Хотира ва қадрлаш куни муносабати билан ҳарбий парад ташкил этилди.

Ҳарбий парадда 4 та ҳарбий қисм, 12 та ҳарбий техника воситаси ва 1200 нафардан ортиқ ёшлар иштирок этган. Фестиваль ҳаяжонларга бой тарзда, байрамона руҳда ўтган.  Ушбу парад Ўзбекистон Президенти Шавкат Мирзиёевнинг “Хотира ва қадрлаш куни”ни муносиб ўтказиш борасида қабул қилинган қарори ижросини таъминлаш мақсадида ташкиллаштирилган.