Фото: AFP 2018 / Omar Haj Kadour
БМТ бош котиби Антониу Гутерреш барча томонларни Сурия жануби-ғарбида жанговар ҳаракатларни дарҳол тўхтатишга чақирди.
Таъкидланишича, БМТнинг Гуманитар масалаларни мувофиқлаштириш бўйича бошқармаси ҳарбий ҳаракатлар туфайли Сурия жануби-ғарбига кўчган кишилар сони сўнгги икки кун ичида 2,5 баробарга ортгани ва 160 мингга етгани ҳақида хабар берган.
«Бош котиб Сурия жануби-ғарбидаги ҳарбий ҳужумдан ва оддий аҳоли орасида йўқотишлар тобора ортиб бораётганидан жуда ташвишда. У жанговар ҳаракатларни дарҳол тўхтатишга чақиради», - дейилади баёнотда.
Шунингдек, Гутерреш барча томонларни халқаро гуманитар қонунлар бўйича мажбуриятлар ва 2017 йилда кескинликдан холи ҳудудлар бўйича имзоланган келишувни ҳурмат қилишга чақирди.
