Фото: Peter Nicholls / Reuters
Британиялик изқуварлар «Новичок» моддаси билан заҳарлаш бўйича ишдаги асосий гумонланувчини фотосурат орқали қидиришни бошлади, деб хабар қилмоқда Daily Mail.
Нашр маълумотларига кўра, терговчилар ишдаги «ўта муҳим гувоҳларга» гумонланувчининг фотосуратини кўрсатмоқда, шунингдек, уларни «сирли аёлнинг» хатти-ҳаракатлари бўйича сўроқ қиляпти.
Таъкидланишича, Британиянинг Солсбери шаҳрида ГРУ собиқ полковниги Сергей Скрипаль ва унинг қизи Юлияга суиқасд қилишда тўрт кишидан иборат гуруҳ, шу жумладан, бир аёл киши гумонланмоқда.
Эслатиб ўтамиз, аввалроқ Скрипалларни заҳарлашда гумонланаётганлар Буюк Британиядан қочиб кетгани хабар қилинганди.
