QS University Rankings: Eastern Europe and Central Asia (EECA) 2019 рейтинги эълон қилинди, унда Шарқий Европа ва Марказий Осиёдаги 26 мамлакатнинг энг яхши университетлари қайд этилган.
Биринчи ўринни Москва давлат университети (Россия) эгаллади, иккинчи - Новосибирск давлат университети (Россия), учинчи - Карлов университети (Чехия).
Шунингдек, биринчи ўнталикдан Санкт-Петербург давлат университети (Россия), Тарту университети (Эстония), Ягеллон университети (Польша), Яқин Шарқ техника университети (Туркия), Прагадаги Чехия техника университети (Чехия) ва Босфор университети (Туркия) жой олди.
Марказий Осиё мамлакатларидан Қозоғистоннинг 20та университети рейтингга кирди, улар орасида энг юқори ўринни Қозоғистон Миллий университети (19-ўрин) эгаллади. Қирғизистондан битта олий ўқув юрти - Марказий Осиёдаги Америка университети (151-160 ўрин).
Тошкент давлат техника университетига рейтингдан жой олиш учун бир неча балл етмади, у 301+ позициясида қолди.
Эслатиб ўтамиз, аввалроқ дунёдаги энг яхши университет маълум қилинганди.
