Dunyodagi eng yaxshi universitet ma'lum qilindi

Foto: Steven Senne/AP

Best Global Universities jahondagi eng yaxshi universitetlar reytingi tuzildi. Bu haqda ushbu ro‘yxatni tuzib chiqqan U.S. News & World Report nashri xabar bermoqda.

Reytingda birinchi o‘rinni Garvard Universiteti (AQSh) qo‘lga kiritdi. Ikkinchi pog‘onada Massachusetts texnologiyalar universiteti (AQSh), uchinchi - Stenford Universiteti (AQSh).

Shuningdek, kuchli o‘nlikdan quyidagi oliy ta'lim muassasalari joy olgan - Kaliforniya-Berkli Universiteti (AQSh), Oksford Universiteti (Buyuk Britaniya), Kaliforniya texnologiyalar instituti (AQSh), Kembrij Universiteti (Buyuk Britaniya), Kolumbiya Universiteti (AQSh), Prinston Universiteti (AQSh), Vashington Universiteti (AQSh).

Osiyodagi OTMlar bo‘yicha reytingda Singapur milliy universiteti (Singapur) yetakchi. Ikkinchi o‘rinda - Nanyang texnologiyalar universiteti (Singapur), uchinchi - Tsinxua Universiteti (Xitoy). Keyingi pog‘onalarda - Tokio Universiteti (Yaponiya), Pekin Universiteti (Xitoy), Podshoh Abdulaziz Universiteti (Saudiya Arabistoni), Gongkong Universiteti (Gongkong), Veytsman Universiteti (Isroil), Kyoto Universiteti (Yaponiya), Seul milliy universiteti (Janubiy Koreya).

Ro‘yxatdan O‘zbekistondan bironta ham oliy ta'lim muassasasi joy olmagan.

Reytingda 60dan ortiq mamlakatdan jami 1250 universitet bor. Ta'lim muassasalarini baholash 13ta ko‘rsatkichdan iborat bo‘ldi, ular: ilmiy maqolalar va ulardan iqtibos keltirishlar soni, ilmiy konferensiyalar va xalqaro hamkorlik.

#Garvard #Universitet