Фото: REUTERS
КХДР етакчиси Ким Чен Ин Жанубий Корея томонидан совға сифатида олинган 200 тонна мандаринни одамларга тарқатиш ҳақида топшириқ берди. Бу ҳақда РИА Новости хабар қилмоқда.
Мевалар Пхеньяндаги мактаб ўқувчилари, болалар ва бошқа аҳолига тарқатилади.
Шунингдек, Ким Чен Ин Жанубий Корея президенти Мун Чжэ Инга мандаринлар учун миннатдорлик сўзларини етказиб қўйишни сўраган.
Аввалроқ, Жанубий Корея ҳукумати Шимолий Кореяга икки тонна ёввойи ўсадиган қўзиқоринлардан иборат совғага жавобан 200 тонна мандарин юборганди.
Эслатиб ўтамиз, бундан аввал Шимолий Корея баллистик ракеталар дастури устида ишлашни давом эттираётгани хабар қилинганди.
