НАТО ҳозирда ўз кучларини Афғонистондан олиб чиқиб кетиш имкониятини кўриб чиқмаяпти. Бу ҳақда НАТО мудофаа вазирлари учрашувида альянс бош котиби Йенс Столтенберг айтди.
"Кучларни олиб чиқиб кетиш борасида ҳозирча ҳеч қандай қарор қабул қилинмади. НАТОнинг Афғонистонда бўлиши тинчликни қарор топтириш учун шароитлар яратишга йўналтирилган", деди у.
Афғонистонда ҳарбий операция 2001 йил декабрдан буён давом этмоқда. 2010-2013 йилларда бу давлатда Ғарб қуролли кучлари сони 150 мингдан ортиқ кишини ташкил этган. Ҳозирда мамлакатда альянснинг 14 минг кишилик инструктор ва маслаҳатчилари қолган.
