talkSPORT британ сайти суперкомпьютери жорий Чемпионлар лигасининг финалгача ўйинлари натижалари бўйича ўз прогнозини берди. Компьютер мусобақанинг яримфиналига “Ювентус“, “Ливерпуль”, “Манчестер Сити” ва “Барселона” чиқишини ҳисоб-китоб қилиб чиққан. Компьютернинг прогнозига кўра, мусобақа финалида “Ювентус” ва “Барселона” учрашади ва ғалаба туринликларга насиб қилади.
Агар компьютернинг прогнози тўғри чиқса, унда Криштиану Роналду Чемпионлар лигасини қаторасига 4 марта ютган дунёдаги ягона футболчига айланади. Португалиялик футболчи аввалги 3 мавсумда бунга “Реал” сафида эриша олганди.
Қуйида компьютернинг мусобақа бўйича прогнози келтирилган:
1/4 финал
“Аякс” – “Ювентус” 1:1, “Ювентус” – “Аякс” 2:0
“Ливерпуль” – “Порту” 3:0, “Порту” – “Ливерпуль” 1:2
“Тоттенхэм” – “Манчестер Сити” 1:1, “Манчестер Сити” – “Тоттенхэм” 3:1
“Манчестер Юнайтед” – “Барселона” 1:2, “Барселона” – “Манчестер Юнайтед” 2:1
1/2 финал
“Манчестер Сити” – “Ювентус” 1:1, “Ювентус” – “Манчестер Сити” 2:1
“Барселона” – “Ливерпуль” 2:1, “Ливерпуль” – “Барселона” 2:2
Финал
“Ювентус” – “Барселона” 2:1
Мусобақа финали 1 июнда Мадриддаги “Метрополитано” стадионида бўлиб ўтади.
