Фото: Мудофаа вазирлиги матбуот хизмати
Бугун, 17 май куни Беларусь Республикаси ҳарбийлари “Жанговар ҳамдўстлик—2019” ҳамкорликдаги машғулотларида иштирок этиш учун Ил-76мд ҳарбий-транспорт самолётида Фарғона аэропортига етиб келди.
Полковник Олег Костромин бошчилигидаги 22 нафар беларусь ҳарбий хизматчиси 20—27 май кунлари Наманган вилоятидаги “Ғурумсарой” полигонида ўзбекистонлик мутахассислар билан ўтказиладиган ҳамкорликдаги махсус-тактик ўқув машғулотларида қатнашади.
Ушбу ўқув машғулотлари Ўзбекистон ва Беларусь ўртасида хавфсизлик соҳасидаги ҳамкорликни янада ривожлантириш бўйича амалий ҳаракатлар режасига асосан ташкил этилмоқда, деб хабар беради Мудофаа вазирлиги матбуот хизмати.
