Бугун, 11 июнь куни соат тахминан 14:40да Самарқанд вилояти Пайариқ тумани йўлида, Имом ал Бухорий мажмуаси томон бурилишда йирик йўл транспорт ҳодисаси содир бўлди.
Kun.uz мобил мухбирининг хабар беришича, бурилишдаги тиғиз йўлда «Газель» микроавтобуси ва «Матиз» русумли енгил автомобиль тўқнашган.
Тўқнашув натижасида ҳар икки автомобиль ағдарилиб кетган ва кейинчалик атрофдагилар ёрдамида тик ҳолатга келтирилган.
«Газель» Самарқанд-Пайариқ йўналишида қатновчи йўловчилар билан тўла бўлган.
Жабрланганлар бўйича маълумот йўқ.
Ҳозирча мазкур ЙТҲ юзасидан расмий маълумот берилмади.
