Француз олимлари 10 соатдан кўпроқ давом этувчи иш куни инсультнинг ривожланишига олиб келиши ҳақидаги хулосага келишди. Бу ҳақда MedicalXpress сайтида маълум қилинган.
Йил давомида суткасига камида 10 соатдан 50 кун ишлаган одамларда меъёридан кўп ишламаган одамларга нисбатан инсульт хавфи 29 фоизга ошган.
10 йил давомида кунига 10 соатдан ишлаган одамларда эса бу хавф 45 фоизга ортган.
Қайд этилишича, меъёридан ортиқча ишлаш 50 ёшга етмаган кўнгиллиларнинг соғлиғига айниқса салбий таъсир кўрсатган.
“Бу кутилмаган ҳолат. Бунинг сабабини аниқлашга ёрдам берадиган кейинги ишларни амалга ошириш лозим”, деб айтган тадқиқот муаллифи Алекси Десата.
Тадқиқотда 7 йил давомида саломатлиги ортидан кузатиб борилган 18 ёшдан 69 ёшгача бўлган 143 592 нафар одам қатнашган.
