«Барселона» нидерландиялик яримҳимоячи Френки Де Йонгни таништирди.
«Хуш келибсан, Френки», дейилади клуб матбуот хизмати хабарида.
«Аякс»нинг эндиликда собиқ футболчиси испаниялик журналистларга «Барселона»нинг янги футболчиси сифатида таништирилди.
«Мен шу ердаман. Олға «Барса»!», — деди футболчи испан тилида.
Де Йонг билан шартнома 5 йилга мўлжалланган. Каталонияликлар клуби қишдаёқ 21 ёшли футболчи учун 75 миллион евро тўлаган ва ушбу трансферни расмийлаштирган. Келишувга кўра, «Аякс» яна 11 миллион еврони турли бонуслар кўринишида олиши мумкин.