Ўзбекистон Республикаси давлат стипендияларига номзодларни саралаш бўйича танлов комиссиясининг баёни билан 2019/2020 ўқув йили учун республика олий таълим муассасалари бакалавриатининг охирги икки курсида таҳсил олаётган иқтидорли талабаларга Ўзбекистон Республикаси давлат стипендиялари тайинланди.
Олий ва ўрта махсус таълим вазирлиги хабарига кўра, олий таълим муассасаларининг 205 нафар иқтидорли талабаси номдор давлат стипендияларига сазовор бўлишди:
Навоий давлат стипендияси – 66 нафар;
Беруний давлат стипендияси – 61 нафар;
Улуғбек давлат стипендияси – 9 нафар;
Ибн Сино давлат стипендияси – 10 нафар;
Имом ал-Бухорий давлат стипендияси – 3 нафар;
Ислом Каримов давлат стипендияси – 56 нафар.
Совриндор талабаларга 2019 йил 1 сентябридан бошлаб жорий ўқув йили давомида давлат стипендияси тайинланади.
