Испания чемпионатининг 8-турида «Барселона» ўз уйида «Севилья»ни қабул қилди ва йирик ҳисобда ғалаба қозонди. Каталонияликлар таркибида голларни Суарес, Видаль, Дембеле ва Месси уришди. Эътиборлиси, «Барселона» ўйинни 9 киши билан якунлади, Араухо ва Дембеле майдондан четлатилди.
Шу тариқа «Барселона» очколари сонини 16тага етказиб, 2-ўринга кўтарилиб олди. Пешқадам «Реал» билан орадаги фарқ 2 очкони ташкил қилмоқда. Хулен Лопетеги шогирдлари эса 13 очко билан 6-ўринда турибди.
Барселона - Севилья 4:0
6 октябрь, «Камп Ноу»
Голлар: Суарес (27), Видаль (30), Дембеле (35), Месси (78).
Барселона: тер Стеген, Сержи Роберто, Тодибо (Араухо, 73), Семеду, Пике, Видаль (Ракитич, 70), Артур (Бускетс, 65), де Йонг, Дембеле, Суарес, Месси.
Севилья: Вацлик, Каррису, Диего Карлос, Регилон, Навас, Банега, Фернандо, Окампос, Оливер Торрес (Жордан, 46), Нолито (Мунир, 46), де Йонг (Эрнандес, 65).
Огоҳлантиришлар: Регилон (22), Каррису (34), Семеду (39), Дембеле (53), Суарес (64), Пике (85), Бускетс (88).
Четлатишлар: Араухо (87), Дембеле (88).
