Туркия ҳудудининг курдлар томонидан ўққа тутилиши оқибатида 8 киши ҳалок бўлди

Фото: Sputnik / Sertaç Kayar

Туркиянинг Мардин вилоятидаги Нусайбин тумани суриялик курд отрядлари томонидан ўққа тутилиши оқибатида 8 киши ҳалок бўлди, 35 киши яраланди. Бу ҳақда Anadolu ахборот агентлиги хабар берди.

Аввалроқ Туркиянинг Шонлиурфа вилоятидаги Суруч шаҳри миномётдан ўққа тутилган. Миномёт снарядларининг аҳоли яшайдиган ҳудудда портлаши оқибатида 2 киши ҳалок бўлган, 2 киши яраланган.

10 октябрда Мардин ва Шонлиурфадаги аҳоли пунктларининг ракета ва миномётлардан ўққа тутилиши оқибатида 7 киши, жумладан 5 бола ва ўсмир ҳалок бўлган.

Туркия 9 октябрда Сурия шимолида Курдистон ишчи партияси ва ИШИДга қарши “Тинчлик манбаи” деб ном олган ҳарбий амалиётни бошлаганди. Турк ҳарбий авиацияси ўша куни Суриянинг Туркия билан чегарадаги Рас ал-Айн ва бошқа шаҳарларига авиазарбалар берган. Кейинроқ амалиётнинг қуруқликдаги қисми бошлангани эълон қилинган.

#Туркия #Сурия

Туркия 9 октябрь куни Сурия шимолидаги курдларга қарши қуруқликдаги ҳарбий кампания бошлади. «Тинчлик булоғи» номли амалиётдан мақсад - Туркия чегаралари яқинида террорчилар учун йўлак қолдирмаслик ҳисобланади