2019 йил бошидан бери дунёда содир этилган энг йирик терактлар оқибатида 9 мингдан кўпроқ одам ҳалок бўлган. Бу ҳақда “Российская газета” нашрига интервьюда Россия хавфсизлик кенгаши котиби ўринбосари Юрий Коков маълум қилди.
Унинг таъкидлашича, 2018 ва 2019 йилларда 70 га яқин давлат 5 мингдан кўпроқ йирик терактни бошдан кечирган. Террорчилар ҳужуми оқибатида 30 мингга яқин одам жабрланган.
“Жорий йилда 2 мингта энг йирик теракт оқибатида 9 мингдан кўпроқ одам ҳалок бўлган, 11 мингдан кўпроғи яраланган”, деб хабар берган Коков.
Унинг таъкидлашича, террорчиларнинг асосий нишони халқаро террорчиликка қарши курашда энг кўп ҳисса қўшган давлатлар бўлиб қолмоқда.