«Ўзбекистон темир йўллари» АЖ томонидан Қамчиқ довони йўналишидан фойдаланадиган барча йўловчиларга қулайлик яратиш мақсадида 2019 йил 21 декабрь куни яна битта қўшимча поезд қатнови йўлга қўйилди.
62/61-сонли Тошкент – Қўқон – Тошкент йўналишида ҳаракатланадиган қўшимча поезд бугун, 21 декабрь куни соат 22:40да Тошкент-Жанубий вокзалидан жўнайди, 22 декабрь куни соат 03:17да Қўқон вокзалига етиб боради.
22 декабрь куни тонгги соат 04:05да эса мазкур поезд Қўқон – Тошкент йўналишида ҳаракатланади ва шу куни соат 08:55да Тошкент-Жанубий вокзалига кириб келади.
Билдирилишича, жорий этилган қўшимча йўловчи поездлари Тошкент - Андижон - Тошкент йўналишидаги мавжуд йўловчи поездлар ҳаракат жадвалига таъсир этмайди.
Бундан олдин, «Тошкент - Ангрен - Орзу - Поп - Тошкент» йўналишида вақтинчалик қўшимча поезд қатнови йўлга қўйилганди.
