19 февраль куни Тошкент шаҳридаги «Ўзэкспомарказ» кўргазмалар залида «Uzbekistan Airports, Aviation&Logistics Forum» Биринчи халқаро авиация форумига бошланди.
Биринчи халқаро авиафорумга дунёнинг турли мамлакатларидан 180га яқин компания вакиллари ташриф буюрган. «Boing» ва «Jetcraft» (АҚШ), «Air Charter Service» (Буюк Британия), «Bombardier Business jets» (Канада), «TLD» (Ҳиндистон), «Luftansa Consulting» (Германия), «EGIS» (Франция), «ATR» (Испания), «Kuwait Airways» (Кувайт), «Air Arabia» ва «BGT Events» (БАА), «Gulf Air» (Баҳрайн), «Korean Air» ва «Asiana Airlines» (Жанубий Корея), «Azerbaijan Airlines» (Озарбойжон), «Aeroflot» ва «IrAero» (Россия), «Al Masriya» (Миср), «Zagros Airlines» (Эрон), «Pegasus Airlines» ва «Turkish Airlines» (Туркия), «Mitsubishi Corporation» (Япония), «Air Astana» (Қозоғистон) шулар жумласидандир.
Ушбу компаниялар вакиллари авиафорум доирасида ўтказилган ялпи сессияларда иштирок этишди.
Мазкур сессияларда Чарльз Склумбергер (The World Bank), Асхат Торшин (Lufthansa Consulting), Амир Отакий (Bombardier), Камил Ал-Авадҳий (Kuwait Airways), Айтач Масталиева (Amadeus), Ральф Вебер (Airbus), Алексей Синицкий (AtoEvents) каби кўплаб халқаро экспертлар чиқиш қилиб, туризм ва транспорт тизимини ривожлантиришга оид тажрибалари билан ўртоқлашишди.
Эслатиб ўтамиз, I Халқаро авиация форуми эртага 20 февраль куни ўз ишини давом эттиради.
Суратлар муаллифи Нуриддин Нурсаидов
