Вилоятдаги барча хусусий ва давлат муассасалари ёпилган. Фақат фавқулодда хизматлар, муҳим инфратузилма объектлари, дорихона ва ёнилғи қуйиш шохобчалари ишламоқда.
Саудия Арабистони ички ишлар вазирлиги коронавирус тарқалиши сабабли Ал-Қатиф вилоятига кириш-чиқишни вақтинчалик тақиқлади. Бу ҳақда вазирликдаги манбасига таяниб SPA агентлиги хабар берди.
Манбанинг маълумот беришича, эҳтиёт чораси сифатида ва Ал-Қатифда коронавирусга чалиниш билан боғлиқ 12та ҳолат қайд этилгани сабабли кириш ва чиқиш вақтинча тақиқланган.
Шу билан бирга, аниқлик киритилишича, вилоят аҳолисига ўз уйларига қайтишга рухсат берилади. Барча хусусий ва давлат муассасалари ёпилган. Фақат фавқулодда хизматлар, муҳим инфратузилма объектлари, дорихона ва ёнилғи қуйиш шохобчалари ишламоқда.
8 март ҳолатига кўра, дунё бўйича коронавирус юқтирганлар сони 105 минг кишидан ошган, 3,5 мингдан ортиқ киши вафот этган.