Google коронавирусга қарши кураш учун фойдаланувчиларнинг ҳаракатланиши ҳақидаги маълумотларни тўпламоқда

Google компанияси пандемия даврида фойдаланувчиларнинг ҳаракатланиши динамикаси акс этган ҳисоботни эълон қила бошлади.

Компания вакилларининг маълум қилишича, маълумотлардан соғлиқни сақлаш органлари фойдаланади. Бу вирусга қарши курашиш учун зарурий чораларга оид самарали қарорларни қабул қилишга ёрдам беради.

Ҳисоботда аноним маълумотлар ҳам бор. Унда чакана савдо ва дам олиш жойлари, дўконлар ва дорихоналар, парклар, транзит пунктлар, ишлаш ва яшаш жойлари локацияси киритилган. Ана шу жойларга келиш кўрсаткичлари ҳисоботда фоизларда акс эттирилган. Унда эълон қилинишидан 2-3 кун аввалги маълумотлар тўпланади.

Компания 131та мамлакат ва минтақаларга тегишли маълумотларни жойлаштириш, шунингдек, базани тўлдириб боришни режалаштирган. Рўйхатда Ўзбекистон мавжуд эмас.

Ҳисоботдан чекланган вақт давомида фойдаланиш мумкин.

#Google #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.