Рамазон ҳайити пандемия шароитида дунёда қандай кутиб олинди (фоторепортаж)

Жорий йилда Рамазон ҳайити дунёда давом этаётган коронавирус пандемияси сабабли кўплаб давлатларда оммавий тарзда нишонланиши тақиқланди. Жумладан, коронавирус тарқалиши олдини олиш мақсадида масжидлар ёпилгани ва одамларнинг оммавий йиғилишига киритилган тақиқлар сабабли ҳайит намозини адо этишнинг имкони бўлмади. Бироқ шунга қарамай, баъзи давлатларда Рамазон ҳайити намози карантин чораларига амал қилинган ҳолда ва оз сонли жамоат билан адо этилди. “РБК” нашри дунёда коронавирус пандемияси шароитида Рамазон ҳайити қандай нишонлангани ҳақида фоторепортаж тайёрлади. 

Полициячилар Римдаги Пьяцца-делла-Радио майдонидаги намоз ўқиладиган ҳудудга кириш жойини қўриқлашмоқда.

Индонезия, Ачех провинцияси. Хавфсизлик хизмати ходимлари Рай Байтурраҳмон масжидига кириш жойида одамлар ҳароратини ўлчашмоқда. 

Филиппин пойтахти Маниладаги масжидда ҳимоя ниқобларидаги оз сонли жамоат.

Истанбулнинг энг катта масжиди Сулаймония. 

Эрон пойтахти Теҳронда мусулмон аёллар ҳимоя ниқобларида ибодат қилмоқдалар. 

Грознийдаги Аҳмад Қодиров номидаги “Чеченистон юраги” масжидида Рамазон ҳайити намози олдидан ташриф буюрувчиларга тиббий қўлқоплар тарқатилмоқда. 

Ал-Қудсда мусулмонлар коронавирус сабабли ёпилган Ал-Ақсо масжиди ташқарисида намоз ўқимоқдалар.

Индонезия пойтахти Жакартада масжидга кириш олдидан тана ҳарорати ўлчанмоқда.

Дунё мусулмонлари учун энг муқаддас қадамжо – Масжид Ал-Ҳаромда Қадр кечаси ижтимоий масофа сақланган ҳолда ибодат қилинмоқда.

Қозондаги Галеев масжидида Рамазон ҳайити маърузасининг жонли намойиши.

Афғонистоннинг Лағмон вилоятида ҳайит намозидан кейин.  

Покистоннинг Карачи шаҳрида ҳайит намози.

Австралиянинг Сидней шаҳридаги Лакемба масжидида. 

Бангладеш пойтахти Даққада ҳайит намозининг адо этилиши.