Фармкомпаниялар АҚШ учун гриппга қарши рекорд миқдорда вакцина тайёрламоқда
Жорий йилда фармацевтика компаниялари АҚШга гриппга қарши вакцинадан 200 млн дона етказишга тайёрланмоқда. Бу ҳақда Wall Street Journal нашри хабар берди. Бу нафақат 2019 йилдагига нисбатан 13 фоиз кўпроқни ташкил қилади, балки АҚШ соғлиқни сақлаш тизими учун мутлақ рекорд кўрсаткич ҳисобланади.
Гриппга қарши вакцинага эҳтиёжнинг ошиши коронавирус пандемияси билан боғланган. Соғлиқни сақлаш соҳасидаги мутахассислар пандемия шароитида грипп мавсуми шифохоналар ва бошқа тиббий муассасаларнинг ҳаддан ортиқ юкланишига олиб келишини таъкидлашмоқда.
Маълумотларга кўра, АҚШда ҳар йил 45 млнга яқин киши гриппга чалинади, 34 минг киши вирусдан вафот этади. Қурбонлардан аксариятини кекса кишилар ташкил қилади. Шу билан бирга, америкаликлар гриппга қарши вакцинани хушлашмайди: ҳар йил гриппга қарши эмлашдан америкаликларнинг ярмидан камроғи ўтади, болалар орасида бу кўрсаткич 62 фоизни ташкил қилади. Пандемия эса вазиятни янада қийинлаштирган: АҚШда баҳорда болалар эмланиши даражаси 40 фоизга тушиб кетган.
Мавзуга оид
22:28 / 19.09.2024
АҚШ Ҳарбий-денгиз кучлари Хитой билан урушга тайёргарлик режасини эълон қилди
21:59 / 19.09.2024
Эронлик хакерлар Байден штабига Трамп ҳақида маълумотлар юборани маълум бўлди
13:20 / 19.09.2024
Санкциялар четлаб ўтилиши: АҚШ Хитойдан уран импортини текширяпти
12:00 / 19.09.2024