АҚШнинг ExxonMobil нефт компанияси 40 йил ичида илк бор зарар кўрди. Компаниянинг йиллик зарари 22,4 млрд долларни ташкил қилди.
2020 йилда компаниянинг тушуми 30,7 фоизга қисқариб, 46,5 млрд долларни ташкил қилган.
Bloomberg ахборот агентлигининг хабар беришича, компания пандемия ва нефтга талаб камайгани ҳамда сланец гази олиниши тармоғида активлар қадрсизлангани сабабли кўп миллиардлик зарар кўрган.
Бироқ шунга қарамай, ExxonMobil сармоячиларга дивидендларни тўлашни давом эттиришга ваъда берган.
Яна бир нефт гиганти - Британиянинг British petroleum компанияси ҳам 2020 йилни 10 йил ичида илк бор зарар билан якунлаган. Компаниянинг 2020 йилда нефт қазиб олиш ҳажми 8,1 фоизга қисқариб, тушуми 35 фоизга камайиб кетган.
Охирги кунларда ExxonMobil’нинг Chevron билан бирлашиши бўйича музокаралар олиб борилаётгани ҳақида маълумотлар пайдо бўлган.
