Саудия Арабистонининг Қизил денгиз бўйида жойлашган Ёнбу ал-Баҳр порт шаҳрига портловчи модда билан тўлдирилган қайиқ ёрдамида ҳужум қилинди. Қайиқ масофадан бошқарилган.
Саудия Арабистони бошчилигидаги араб коалицияси вакили полковник Турки ал-Маликийнинг таъкидлашича, миналаштирилган қайиқ жанговар ҳаракатлар олиб бориш қоидаларига кўра йўқ қилинган.
Таъкидланишича, ушбу ҳужум минтақада Эрон ва Исроил бир-бирларининг кемаларига ҳужум қилаётган ҳамда Ямандаги жанговар ҳаракатлар давом этаётган вақтда содир этилди.
Бироқ бунгача Саудия Арабистонига дронлар ва баллистик ракеталар ёрдамида кўплаб ҳужумларни амалга оширган яманлик ҳусийчилар Ёнбу ал-Баҳрга ҳужум учун жавобгарликни ўз зиммасига олмаган.